Posted By :  Admin1

ബരാസത് (കൊൽക്കത്ത): നാഷണൽ മെഡിക്കൽ കോളേജ് ആൻഡ് ഹോസ്പിറ്റലിലെ മൂന്നാം വർഷ എം.ബി.ബി.എസ് വിദ്യാർത്ഥിയായ പൃഥ്വിരാജ് ദാസ് (21) ഡെങ്കിപ്പനി ബാധിച്ച് മരണപ്പെട്ടു. കടുത്ത പനിയെ തുടർന്ന് ഇദ്ദേഹത്തെ നോർത്ത് 24-പർഗാനാസിലെ ബരാസത്തിലെ ഒരു സ്വകാര്യ ആശുപത്രിയിൽ പ്രവേശിപ്പിക്കുകയായിരുന്നു. ഡിസംബർ പകുതിയാണ്, ഒപ്പം  കൊൽക്കത്തയിലും സമീപ പ്രദേശങ്ങളിലും ഏറ്റവും കുറഞ്ഞ താപനില 15 ഡിഗ്രി സെൽഷ്യസിലേക്ക് എത്തി നിൽക്കുന്ന ഈ സമയത്ത് ഡെങ്കിപ്പനി മരണങ്ങൾ റിപ്പോർട്ട് ചെയ്യപ്പെടുന്നത് ആരോഗ്യ ഉദ്യോഗസ്ഥർക്ക് ഏറെ ആശങ്ക ഉളവാക്കുന്ന കാര്യമാണ്. കാലാവസ്ഥാ വ്യതിയാനം മൂലമാണ് സംസ്ഥാനത്ത് ഡെങ്കിപ്പനി റിപ്പോർട്ട് ചെയ്യുന്നതെന്ന് ആരോഗ്യ വിദഗ്ധർ പറഞ്ഞു. ദ്രുതഗതിയിലുള്ള മെർക്കുറിയിലെ ഉയർച്ചയും താഴ്ചയും ആളുകൾക്കിടയിൽ ആരോഗ്യപ്രശ്നങ്ങൾ ഉണ്ടാക്കുന്നതായും അവർ ചൂണ്ടിക്കാട്ടി. നിലവിലെ കാലാവസ്ഥ കേസുകളുടെ വർദ്ധനവിന് കാരണമായേക്കാമെന്നതിനാൽ ഡെങ്കിപ്പനിക്കെതിരെ ജാഗ്രത പാലിക്കണമെന്ന് വിദഗ്ധർ മുന്നറിയിപ്പ് നൽകിയിട്ടുണ്ട്. സ്വന്തമായി മരുന്നുകൾ കഴിക്കരുതെന്നും ജനങ്ങളോട്  ഡോക്ടർമാർ നിർദേശിച്ചിട്ടുണ്ട്. ഓരോ വർഷവും   താപനിലയിൽ ഏറ്റക്കുറച്ചിലുകൾ ഉണ്ടാകുന്ന ഈ സമയത്ത് ചില അണുബാധകൾ സാധാരണമാണ്. നിലവിലെ കാലാവസ്ഥാ വ്യതിയാനങ്ങൾക്കിടയിൽ ജലദോഷവും ചുമയും പോലുള്ളവയെയും അവഗണിക്കരുതെന്നും ഏറെ ശ്രദ്ധ ആവശ്യമാണെന്നും  ആരോഗ്യ വിദഗ്ധർ മുന്നറിയിപ്പ് നൽകിയിട്ടുണ്ട്. ഏറ്റവും കുറഞ്ഞ താപനില 15 ഡിഗ്രി സെൽഷ്യസിലെത്തിയതിനാൽ ഡെങ്കിപ്പനി ഇനിയും പടരാനുള്ള സാധ്യതയുണ്ടെന്നും അവർ പറഞ്ഞു.