Posted By :  Admin1

ഡൽഹി: ഡൽഹിയിലെ ആർമി ഹോസ്പിറ്റൽ റിസർച്ച് ആൻഡ് റഫറൽ (എ.എച്ച്.ആർ.ആർ) നിരവധി കോർണിയ ട്രാൻസ്‌പ്ലാന്റുകൾ വിജയകരമായി നടത്തി ഒരുപാട് പേരെ ജീവിതത്തിലേക്ക് തിരികെ കൊണ്ടു വന്നു. രാജ്യത്തെ കാഴ്ച വൈകല്യം എന്ന വിപത്ത്, നേത്രരോഗ വിദഗ്ധരുടെ പരിശ്രമത്തിലൂടെയും സർക്കാറിൻ്റെ മികച്ച പിന്തുണയോടെയും ഒരു പരിധി വരെ നിയന്ത്രിച്ചു നിർത്താൻ എ.എച്ച്.ആർ.ആറിന് സാധിച്ചു. വിജയകരമായ കോർണിയൽ ട്രാൻസ്പ്ലാന്റിൽ ഏറെ നിർണായകമായത് മികച്ച നിലവാരമുള്ള ടിഷ്യുവിൻ്റെ  ലഭ്യതയാണ്. അവയവദാനത്തിൽ മുൻപന്തിയിലാണ് എ.എച്ച്.ആർ.ആർ. കഴിഞ്ഞ വർഷം 150-ലധികം കോർണിയൽ ട്രാൻസ്പ്ലാൻറേഷനുകലാണ് ഇവിടെ നടന്നത്. ഈ പരിശ്രമത്തിന് ഡി.ജി.എ.എഫ്എം.എസ്, ലഫ്റ്റനന്റ് ജനറൽ ദൽജിത് സിംഗ്, എവി.എസ്എം, വി.എസ്എം, പി.എച്ച്എസ്, എ.എച്ച്ആർ.ആർ കമാൻഡന്റ് ലഫ്റ്റനന്റ് ജനറൽ അജിത് നീലകണ്ഠൻ എന്നിവരിൽ നിന്ന് പൂർണ്ണ പിന്തുണ ആർമി ആശുപത്രിക്ക് ലഭിക്കുകയും ചെയ്‌തു.