Top Stories
കണ്ണൂര്: ഹൃദയസംബന്ധമായ രോഗങ്ങള്ക്ക് അത്യാധുനിക ചികിത്സാരീതിയിലൂടെ വീണ്ടും ചരിത്രം കുറിച്ച് കിംസ് ശ്രീചന്ദ് ആശുപത്രി. 69 വയസ്സുള്ള രോഗിക്ക് ട്രാന്സ്കത്തീറ്റര് മിട്രല് വാല്വ് റീപ്ലേസ്മെന്റ് (ടിഎംവിആര്) വിജയകരമായി നടത്തിയാണ് പുതിയ നേട്ടം കൈവരിച്ചത്. മുന്പ് രണ്ട് ഹൃദയ ശസ്ത്രക്രിയകള് കഴിഞ്ഞിട്ടുള്ള രോഗിക്കാണ് ടിഎംവിആര് വഴി പുതുജീവന് നല്കിയത്.
രക്തം ശരിയായി ഒഴുകാതെ ബുദ്ധിമുട്ടിയിരുന്ന വ്യക്തിക്ക് 2003-ല് മിട്രല് വാല്വ് റിപ്പയറും, 2015-ല് ബയോളജിക്കല് വാല്വ് ഉപയോഗിച്ച് മിട്രല് വാല്വ് മാറ്റിവെക്കലും ചെയ്തിരുന്നു. പിന്നീട് ശ്വാസതടസ്സം അനുഭവപ്പെട്ടതിനെ തുടര്ന്ന് നടത്തിയ പരിശോധനയില് പ്രോസ്തെറ്റിക് വാല്വിന്റെ പ്രവര്ത്തനം തകരാറിലായതായി കണ്ടെത്തുകയായിരുന്നു.
വീണ്ടും തുറന്ന ഹൃദയ ശസ്ത്രക്രിയ നടത്തുന്നത് രോഗിയെ വലിയ അപകടത്തിലാക്കുമെന്ന സാഹചര്യത്തിലാണ് ടിഎംവിആര് എന്ന അത്യാധുനിക രീതിയിലുള്ള വാല്വ് മാറ്റിവെക്കല് ശസ്ത്രക്രിയ നിര്ദേശിച്ചത്. കിംസ് ശ്രീചന്ദ് ആശുപത്രിയിലെ വിദഗ്ധ ഡോക്ടര്മാരുടെ സംഘം നടത്തിയ ശസ്ത്രക്രിയയ വിജയകരമായി പൂര്ത്തിയാക്കിയ രോഗി സുഖം പ്രാപിച്ച് വരികയാണ്.
ശസ്ത്രക്രിയ കഴിഞ്ഞ് 24 മണിക്കൂറിനുള്ളില് രോഗിയെ വാര്ഡിലേക്ക് മാറ്റുകയും സാധാരണപോലെ നടക്കാന് തുടങ്ങുകയും ചെയ്തു എന്നത് ടിഎംവിആര് ചികിത്സയുടെ വിജയമായി എടുത്തു കാണിക്കുന്നു. ആറ് മണിക്കൂറിനു ശേഷം സാധാരണ ഭക്ഷണം കഴിച്ചു തുടങ്ങിയ രോഗിയെ 48 മണിക്കൂറിനുള്ളില് ആശുപത്രിയില് നിന്നും ഡിസ്ചാര്ജ് ചെയ്യാനാണ് പദ്ധതി. ടിഎംവിആര് രീതിയിലുള്ള ചികിത്സയുടെ ഈ അതിവേഗ രോഗമുക്തി ആരോഗ്യരംഗത്ത് ഒരു പുതിയ പ്രതീക്ഷ നല്കുന്നുണ്ട്.
ടിഎംവിആര്: അത്യാധുനിക ചികിത്സാരീതി
തുറന്ന ശസ്ത്രക്രിയയില്ലാതെ, തുടയുടെ ഭാഗത്തുള്ള ഞരമ്പിലൂടെ (ഫെമറല് വെയിന്) കത്തീറ്റര് (ഒരു ചെറിയ ഉപകരണം) ഉപയോഗിച്ച് വാല്വ് മാറ്റിവെക്കുന്ന സങ്കീര്ണമായ ചികിത്സാരീതിയാണ് ടിഎംവിആര്. വളരെ കുറച്ച് സെന്ററുകളില് മാത്രം ലഭ്യമാവുന്ന അത്യാധുനിക ചികിത്സ കൂടിയാണിത്. ഹൃദയത്തില് നാല് വാല്വുകള് ഉണ്ട്. ഓരോ വാല്വിനും രക്തം ഒരു ദിശയിലേക്ക് മാത്രം ഒഴുകാന് സഹായിക്കുന്ന ഒരു വാതിലിന്റെ ധര്മ്മമാണ് ഉള്ളത്.
മിട്രല് വാല്വ് ഇടത് ഏട്രിയത്തിനും ഇടത് വെന്ട്രിക്കിളിനും ഇടയില് സ്ഥിതി ചെയ്യുന്നു. ഈ വാല്വിന് എന്തെങ്കിലും തകരാറ് സംഭവിച്ചാല് രക്തം ശരിയായി ഒഴുകില്ല. ഇത് പല ആരോഗ്യപ്രശ്നങ്ങളിലേക്കും നയിച്ചേക്കാം. ടിഎംവിആര് ചികിത്സയില്, തകരാറിലായ വാല്വിന്റെ സ്ഥാനത്ത് പുതിയ വാല്വ് സ്ഥാപിക്കുന്നു.
കോഴിക്കോട്: മെഡി. കോളജിലെ അത്യാഹിത വിഭാഗം ശനിയാഴ്ച (25.03.2023) മുതൽ പൂർണമായി പുതിയ ബ്ലോക്കിലേക്ക്. ശനിയാഴ്ച രാവിലെ പത്ത് മണിയോടെ കാഷ്വാലിറ്റിയിലെ രോഗികളെ സൂപ്പർ സ്പെഷ്യാലിറ്റി ബ്ലോക്കിന് സമീപം പുതുതായി സ്ഥാപിച്ച സർജിക്കൽ സൂപ്പർ സ്പെഷ്യാലിറ്റി ബ്ലോക്കിലേക്കാണ് മാറ്റുന്നത്. ഇതിനുള്ള എല്ലാ ഒരുക്കങ്ങളും പൂർത്തിയായതായി സൂപ്രണ്ട് ഡോ. ശ്രീജയൻ അറിയിച്ചു.
Thiruvananthapuram: KIMSHEALTH doctors successfully conducted minimally invasive surgery to remove a tumor from the adrenal gland of an 11-month-old child from Kollam who had been experiencing incessant crying.
കോഴിക്കോട്: ഹോൺ മുഴക്കിയതിന്റെ പേരിൽ ഡോക്ടർക്ക് നേരെ ക്രൂര മർദ്ദനം. കോഴിക്കോട് പി ടി ഉഷ റോഡ് ജംഗ്ഷനിൽ വെച്ചായിരുന്നു സംഭവം. വയനാട് റോഡ് ക്രിസ്ത്യൻ കോളേജ് സിഗ്നൽ ജംഗ്ഷനിൽ നിന്നുമായിരുന്നു പ്രശ്നത്തിന്റെ തുടക്കം.
അത്യധുനിക ടിഎംവിആര് ശസ്ത്രക്രിയയിലൂടെ രോഗിക്ക് പുതുജീവന് നൽകി കണ്ണൂർ കിംസ് ആശുപത്രി
ഡോക്ടർമാർക്ക് തല്ല് കിട്ടേണ്ടതാണെന്നും അവരെ മുക്കാലിയിൽ കെട്ടി തല്ലണമെന്നും "പഞ്ചാബ്" മോഡൽ പ്രസംഗം നടത്തിയ ബഹു. എംഎൽ എ ശ്രീ കെ ബി ഗണേഷ് കുമാറിൻറെ കലാപ ആഹ്വാനം കേരളത്തിലെ പൊതുസമൂഹത്തിനൊടും നിയമവ്യവസ്ഥിതിയോടുമുള്ള വെല്ലുവിളിയാണെന്ന് ഐഎംഎ സംസ്ഥാന പ്രസിഡണ്ട് ഡോ. സുൽഫി നൂഹുവും സംസ്ഥാന സെക്രട്ടറി ജോസഫ് ബെനവനും ഒരു പ്രസ്താവനയിൽ ചൂണ്ടിക്കാട്ടി.
We have various options to advertise with us including Events, Advertorials, Banners, Mailers, etc.
