Posted By :  Admin1

മലപ്പുറം: മഞ്ചേരി മെഡിക്കൽ കോളേജ് ആശുപത്രിയിലെ ജനറൽ ആശുപത്രിയിൽ ജോലി ചെയ്തിരുന്ന 12  ഡോക്ടർമാരെ ഒരു മുന്നറിയിപ്പും കൂടാതെ കൂട്ടത്തോടെ സ്ഥലം മാറ്റിയതിൽ പ്രതിഷേധിച്ച് മലപ്പുറം ജില്ലയിലെ എല്ലാ സർക്കാർ ഡോക്ടർമാരും നാളെ അവധി എടുക്കും. കേരള ഗവണ്മെന്റ് മെഡിക്കൽ ഓഫിസേഴ്സ് അസോസിയേഷൻ (കെ.ജി.എം.ഒ.എ) പ്രസിഡന്റ് ഡോ. ​എ.​എം. ജ​യ​നാ​രാ​യ​ണ​നാണ് ഇക്കാര്യം അറിയിച്ചത്. നാളെ അത്യാഹിത വിഭാഗം ഒഴികെ ആശുപത്രിയിൽ വേറെ ഒരു വിഭാഗവും പ്രവർത്തിക്കില്ല. 12 ഡോ​ക്ട​ർ​മാ​രെ മ​ഞ്ചേ​രി ജ​ന​റ​ൽ ആ​ശു​പ​ത്രി​യി​ൽ​നി​ന്ന് സ്ഥ​ലം മാ​റ്റി​യ ഡി.​എം.​ഒ ന​ട​പ​ടി ഉ​ട​ൻ പി​ൻ​വ​ലി​ക്കു​ക, ജ​ന​റ​ൽ ആ​ശു​പ​ത്രി​യി​ലെ ത​സ്തി​ക​ക​ൾ മ​റ്റ് സ്ഥാ​പ​ന​ങ്ങ​ളി​ലേ​ക്ക് ന​ൽ​കാ​നു​ള്ള ആ​രോ​ഗ്യ​വ​കു​പ്പി​ന്റെ ശ്ര​മം ഒഴിവാക്കുക, ജ​ന​റ​ൽ ആ​ശു​പ​ത്രി ജി​ല്ല​ക്ക് ന​ഷ്ട​പ്പെ​ടാ​തി​രി​ക്കാ​നു​ള്ള ന​ട​പ​ടി​ക​ൾ സ്വീ​ക​രി​ക്കു​ക, ജി​ല്ല​യി​ൽ ആ​വ​ശ്യ​ത്തി​ന് ആ​ശു​പ​ത്രി​ക​ളും ബെ​ഡു​ക​ളും ഡോ​ക്ട​ർ ത​സ്തി​ക​ക​ളും പു​തു​താ​യി സൃ​ഷ്ടി​ക്കാ​നു​ള്ള ന​ട​പ​ടി​ക​ൾ സ്വീ​ക​രി​ക്കു​ക തു​ട​ങ്ങി​യ ആ​വ​ശ്യ​ങ്ങ​ൾ ഉ​ന്ന​യി​ച്ചാ​ണ് സ​മ​രം. ഒരു മുന്നറിയിപ്പും ഇല്ലാതെ 12  ഡോക്ടർമാരെ പെട്ടെന്ന് സ്ഥലം മാറ്റിയത്  
മ​ഞ്ചേ​രി മെ​ഡി​ക്ക​ൽ കോളേജ് ആ​ശു​പ​ത്രി​യു​ടെ ഭാ​ഗ​മാ​യു​ള്ള ഹെ​ൽ​ത്ത് സ​ർ​വി​സ് യൂ​നി​റ്റു​ക​ളു​ടെ പ്രവർത്തനത്തെ വളരെ മോശമായിട്ട് തന്നെ ബാധിച്ചു എന്ന് ഡോക്ടർമാർ പറഞ്ഞു. ആശുപത്രിയിലെ അവശേഷിക്കുന്ന ഡോക്ടർമാരാണെങ്കിൽ വൻ ജോലി ഭാരം കാരണം ഏറെ ബുദ്ദിമുട്ടിലും സമ്മർദ്ദത്തിലുമാണ്. കൂടാതെ ജനറൽ ആശുപത്രിയിലെ 56  തസ്തികകൾ ജില്ലക്ക് പുറത്തുള്ള പല സ്ഥാപനങ്ങളിലേക്ക് മാറ്റാൻ ആരോഗ്യവകുപ്പിൽ ശ്രമങ്ങൾ നടക്കുന്നുമുണ്ട്. ഇത് ജനറൽ ആശുപത്രിയെ ജില്ലക്ക് നഷ്ടമാകാൻ വരെ കാരണമായേക്കും എന്ന് ഡോക്ടർമാർ ആരോപിക്കുന്നു.