ന്യൂഡൽഹി: പരിശോധനക്കിടെ ഡോക്ടറെ കത്തി കൊണ്ട് ആക്രമിച്ച രോഗി അറസ്റ്റിൽ. ന്യൂ ഡൽഹിയിലെ സർ ഗംഗ റാം ആശുപത്രിയിൽ ആയിരുന്നു സംഭവം. ന്യൂറോളജി വിഭാഗത്തിലെ സീനിയർ സർജൻ ആയ ഡോ.സത്നം സിംഗ് ചെബ്ബറക്കാണ് ഈ ദുരനുഭവം ഉണ്ടായത്. രാജ്കുമാർ എന്ന 21-കാരനാണ് ഡോക്ടറെ ആക്രമിച്ചത്. ഇയാൾ ബീഹാർ സ്വദേശിയാണ്. കഴിഞ്ഞ രണ്ട് വർഷമായി രാജ്കുമാർ വിഷാദ രോഗത്തിന് ഡോ.സത്നം സിംഗ് ചെബ്ബറയുടെ കീഴിൽ ചികിത്സയിലായിരുന്നു. ഇക്കഴിഞ്ഞ ചൊവ്വാഴ്ച്ച ഇയാളെ ചികിൽസിക്കുന്നതിനിടയിൽ ആയിരുന്നു ഇയാൾ പെട്ടെന്ന് പ്രകോപിതനായത്. ശേഷം പോക്കറ്റിൽ ഒളിപ്പിച്ച കത്തി ഉപയോഗിച്ച് ഇയാൾ ഡോക്ടറെ ആക്രമിക്കുകയായിരുന്നുവെന്ന് ആശുപത്രി വൃത്തങ്ങൾ അറിയിച്ചു. ഭാഗ്യവശാൽ ആശുപത്രി സെക്യൂരിറ്റിയുടെയും ഡോക്ടറുടെ അറ്റൻഡന്റിന്റെയും സമയോചിതമായ ഇടപെടൽ ഡോക്ടർക്ക് ഗുരുതരമായ പരിക്കുകൾ ഒഴിവാക്കി. രോഗിയെ പോലീസിന് കൈമാറാൻ ആശുപത്രി അധികൃതർക്ക് ബലം പ്രയോഗിക്കേണ്ടിയും വന്നു. ആക്രമണത്തിൽ ഡോക്ടറുടെ ഒരു വിരലിന് ചെറിയ മുറിവേറ്റു. ഡോക്ടറുടെ പരാതിയിൽ രോഗിക്കെതിരെ പ്രിവെൻഷൻ ഓഫ് വയലൻസ് എഗൈൻസ്ട് ഡോക്ടർസ്, മെഡിക്കൽ പ്രൊഫെഷണൽസ് ആൻഡ് മെഡിക്കൽ ഇന്സ്ടിട്യൂഷൻ ബിൽ 2018 പ്രകാരം കേസ് എടുത്തിട്ടുണ്ടെന്ന് പോലീസ് അറിയിച്ചു. മൂന്ന് പതിറ്റാണ്ടായി സർ ഗംഗാ റാം ഹോസ്പിറ്റലിൽ ജോലി ചെയ്യുകയാണ് ഡോ.സത്നം സിംഗ് ചെബ്ബറ. ഡോക്ടർമാർ സാധാരണ മനുഷ്യരാണെന്നും തങ്ങൾ തങ്ങളാൽ കഴിയുന്ന രീതിയിൽ ജനങ്ങളെ സേവിക്കുന്നുണ്ടെന്നും ഇത് ജനങ്ങൾ മനസ്സിലാക്കണമെന്നും സംഭവത്തിനു ശേഷം ഡോക്ടർ പൊതു ജനത്തോട് അഭ്യർത്ഥിച്ചു. എന്തായാലും ദിവസങ്ങൾ കഴിയുന്തോറും ഡോക്ടർമാർക്കെതിരായ ആക്രമണങ്ങൾ വർദ്ധിച്ചു വരുന്നത് ഈ ലോകത്തിന് വലിയ ഒരു ഭീഷണി തന്നെയാണ്.
During a televised health conference organized by Medically Speaking, Dr. Parul Gupta, the Transplant Coordinator at PGIMER Chandigarh, was honored with the esteemed Sushruta Award 2024 for her remarkable achievements in advancing the field of organ donation.
ബാംഗ്ലൂർ: ഒരു ദിവസം 3797 എലെക്ട്രോകാർഡിയോഗ്രാം (ഇ.സി.ജി) സ്ക്രീനിങ്ങുകൾ നടത്തി ഗിന്നസ് റെക്കോർഡ് കരസ്ഥമാക്കിയിരിക്കുകയാണ് ബാംഗ്ലൂരിലെ നാരായണ ഹെൽത്ത്.
ന്യൂഡൽഹി: നാഷണൽ മെഡിക്കൽ കമ്മീഷന്റെ (എൻ.എം.സി) മാറ്റങ്ങൾ വരുത്തിയ പുതിയ ലോഗോ ഏറെ വിവാദങ്ങൾ സൃഷ്ട്ടിച്ചിരിക്കുകയാണ്.
റായ്ച്ചൂർ: കർണാടകയിൽ ഡോക്ടർക്ക് നേരെ വെടിയുതിർത്ത സംഭവത്തിൽ രണ്ടു പേരെ പോലീസ് അറസ്റ്റ് ചെയ്തു. കുറച്ച് ദിവസങ്ങൾക്ക് മുൻപ് ഗൈനക്കോളജിസ്റ്റ് ആയ ഡോ. ജയപ്രകാശ് പാട്ടിൽ തൻ്റെ കാറിൽ പോയിക്കൊണ്ടിരിക്കുമ്പോഴാണ് ബൈക്കിൽ വന്ന അജ്ഞാതരായ മാസ്ക് ധരിച്ച രണ്ടു പേർ ഡോക്ടറുടെ കാറിനെ പിന്തുടർന്നതും ശേഷം രണ്ടു തവണ ഡോക്ടർക്ക് നേരെ വെടിയുതിർത്തതും.
മുംബൈ: ഓൺലൈനിൽ നിന്നും കുറച്ച് സമൂസ ഓർഡർ ചെയ്ത മുംബൈയിലെ യുവ ഡോക്ടർ പെട്ടത് തട്ടിപ്പുകാരുടെ നടുവിൽ. ജൂലൈ 8-നായിരുന്നു സംഭവം. മുംബൈയിലെ KEM ആശുപത്രിയിൽ ജോലി ചെയ്യുന്ന 27-കാരനായ ഡോക്ടർ തൻ്റെ കൂട്ടുകാർക്കൊപ്പം ഒരു ടൂർ പ്ലാൻ ചെയ്യുന്നു.
We have various options to advertise with us including Events, Advertorials, Banners, Mailers, etc.