Posted By :  Admin1

റാഗിംഗ് പരാതിയെ തുടർന്ന് കോഴിക്കോട് മെഡിക്കൽ കോളേജിൽ സസ്പെൻഷൻ. ഒന്നാംവർഷ എംബിബിഎസ് വിദ്യാർത്ഥിയെ സീനർ വിദ്യാർത്ഥികൾ റാഗ് ചെയ്തു എന്നുള്ള പരാതിയെ തുടർന്നാണ് 11 വിദ്യാർഥികളെ താൽക്കാലികമായി സസ്പെൻഡ് ചെയ്തിരിക്കുന്നത്. ഒന്നാംവർഷ വിദ്യാർഥി നൽകിയ പരാതിയും മേലാണ് രണ്ടാം വർഷ വിദ്യാർത്ഥികളെ സസ്പെൻഡ് ചെയ്തിരിക്കുന്നത്. സംഭവവുമായി ബന്ധപ്പെട്ട കൂടുതൽ അന്വേഷണം ഇപ്പോൾ നടത്തിയിരിക്കുകയാണ്.

 കോഴിക്കോട് മെഡിക്കൽ കോളേജിലെ ഹോസ്റ്റലിൽ വച്ച് സീനിയർ വിദ്യാർത്ഥികൾ റാഗ് ചെയ്തു എന്നാണ് വിദ്യാർത്ഥിയുടെ പരാതി. മാനസികമായും ശാരീരികമായും ഉപദ്രവിച്ചു എന്നുള്ള പരാതിയിൽ മേൽ അഞ്ചംഗ സമിതി അന്വേഷണം നടത്തിയിരുന്നു. അന്വേഷണം നടത്തിയ സമിതി കഴിഞ്ഞദിവസം റിപ്പോർട്ട് സമർപ്പിച്ചു. ഈ റിപ്പോർട്ടിന്മേലാണ് ഇപ്പോൾ നടപടി സ്വീകരിച്ചിരിക്കുന്നത്. സംഭവവുമായി ബന്ധപ്പെട്ട് കൂടുതൽ കാര്യങ്ങൾ ഇപ്പോൾ പരിശോധിച്ചു വരികയാണ്. സസ്പെൻഷൻ ശേഷം ലഭിച്ച റിപ്പോർട്ട് പ്രിൻസിപ്പൽ ഇപ്പോൾ പോലീസിന് കൈമാറി ഇരിക്കുകയാണ്. ബന്ധപ്പെട്ട പരാതിയിൽ പോലീസ് ഇനി കൂടുതൽ അന്വേഷണം നടത്തും.