Top Stories
കൊല്ലം: 2024-ലെ ഇന്ത്യൻ മെഡിക്കൽ അസോസിയേഷൻ്റെ (ഐ.എം.എ) പ്രസിഡണ്ടായി തെരെഞ്ഞെടുത്തത് മലയാളി ഡോക്ടറെ. ഡോ. ആർ. വി അശോകനാണ് പുതിയ ഐ.എം.എ പ്രസിഡണ്ട്. ഐ.എം.എ-യുടെ മുൻ ദേശീയ സെക്രട്ടറി ജനറലായിരുന്നു ഇദ്ദേഹം. ഡോക്ടർ അശോകൻ കഴിഞ്ഞ 40 വർഷമായി ഐ.എം.എയിൽ പ്രവർത്തിക്കുകയും നിരവധി തവണ അസോസിയേഷൻ്റെ പല പ്രധാന പദവികൾ വഹിക്കുകയും ചെയ്‌തിട്ടുണ്ട്‌. 1997 മുതൽ 2000 വരെ അദ്ദേഹം കേരള ഐ.എം.എയുടെ പ്രസിഡണ്ടായും സേവനമനുഷ്ഠിച്ചിട്ടുണ്ട്. ഈ സമയത്താണ് പാലക്കാടിലെ കഞ്ചിക്കോട്ടിൽ "ഇമേജ്" എന്നറിയപ്പെടുന്ന ഒരു പൊതു ബയോമെഡിക്കൽ വേസ്റ്റ് മാനേജ്മെന്റ് പ്രൊജക്റ്റ് ഐ.എം.എ ആരംഭിക്കുന്നത്. കേരളത്തിലെ ആരോഗ്യ സംരക്ഷണ കേന്ദ്രങ്ങളിൽ നിന്ന് ഉത്പാദിപ്പിക്കുന്ന ബയോമെഡിക്കൽ മാലിന്യങ്ങൾ ശാസ്ത്രീയമായി കൈകാര്യം ചെയ്യുന്നതിനാണ് ഈ പ്രൊജക്റ്റ് ആരംഭിച്ചത്. യഥാർത്ഥത്തിൽ തമിഴ് നാട്ടുകാരനായ ഡോ. അശോകൻ 40 വർഷം മുൻപാണ് തൻ്റെ മെഡിക്കൽ കരിയർ തുടങ്ങുന്നത്. അന്ന് കേരളത്തിലെ കൊല്ലം ജില്ലയിൽ എത്തിയ ഇദ്ദേഹം പ്രശസ്‌ത സ്ഥാപനമായ ഡീൻ ഹോസ്പിറ്റൽ സ്ഥാപിച്ചാണ് തൻ്റെ കരിയർ ആരംഭിച്ചത്. "ഐ.എം.എ പ്രസിഡണ്ട് എന്ന നിലയിൽ അദ്ദേഹത്തിന് എല്ലാ വിജയങ്ങളും നേരുന്നു. ഐ.എം.എയുടെ ഉത്തരവാദിത്തങ്ങൾ ഏറ്റെടുക്കുന്നതിന് മുമ്പ് ഡോ. അശോകൻ ക്യു.പി.എം.പി.എയുടെ സജീവ അംഗമായിരുന്നു." ക്വാളിഫൈഡ് പ്രൈവറ്റ് മെഡിക്കൽ പ്രാക്ടീഷണേഴ്സ് അസോസിയേഷൻ (ക്യു.പി.എം.പി.എ) മുൻ പ്രസിഡണ്ട് ഡോ. സി.എം അബൂബക്കർ പറഞ്ഞു. അസോസിയേഷൻ പ്രസിഡണ്ട് എന്ന നിലയിൽ തൻ്റെ സേവനം രാജ്യത്തെ മുഴുവൻ മെഡിക്കൽ പ്രൊഫഷണലുകൾക്കും വലിയ വിജയമാകുമെന്ന് ഡോ. അശോകൻ പറഞ്ഞു.
തൃശ്ശൂർ നൈൽ ഹോസ്പിറ്റൽ ഡയറക്ടർ ഡോ. അലോക്, അഡ്മിനിസ്ട്രേറ്റർ എന്നിവരെ തൃശ്ശൂർ ജില്ല ലേബർ ഓഫീസിൽ വെച്ച് ആക്രമിച്ചതിൽ പ്രതിഷേധിച്ചുകൊണ്ട് നാളെ, ജൂലൈ 28ന് തൃശ്ശൂർ ജില്ലയിലെ സ്വകാര്യ ആശുപത്രികൾ കരിദിനം ആചരിക്കുന്നു.
Kochi: Doctors at the VPS Lakeshore hospital achieved success by performing the inaugural endo-robotic surgery on a 75-year-old woman. This helped Devakiamma to eradicate her throat cancer and lead a healthy life.
എറണാകുളം: കേരള സമൂഹത്തെ അക്ഷരാർത്ഥത്തിൽ ഞെട്ടിച്ച ഡോക്ടർ വന്ദനയുടെ മരണത്തിൻറെ മുറിവ് ഉണങ്ങുന്നതിന് മുൻപ് വീണ്ടും ഡോക്ടർക്ക് നേരെ ആക്രമണം. എറണാകുളം ജനറൽ ആശുപത്രിയിൽ ഇക്കഴിഞ്ഞ ശനിയാഴ്ച്ച പുലർച്ചെ ആയിരുന്നു സംഭവം. ജനറൽ ആശുപത്രിയിൽ ഹൗസ് സർജൻസി ചെയ്യുകയായിരുന്ന ഡോക്ടർ ഹാരിഷ് മുഹമ്മദ് (25) ആണ് ആക്രമണത്തിന് ഇരയായത്. ശനിയാഴ്ച്ച പുലർച്ചെ 1.30നു ഡ്യൂട്ടി സമയത്തിനിടെ ലഭിച്ച ഇടവേളയിൽ ആശുപത്രിയിലെ കഫെറ്റീരിയയിൽ പോയതായിരുന്നു യുവ ഡോക്ടർ.
തിരുവനന്തപുരം: സർക്കാർ മെഡിക്കൽ കോളേജിൽ സർജറി വിഭാഗത്തിലെ രണ്ടാം വർഷ പി.ജി വിദ്യാർത്ഥിനിയായ ഡോ. ഷഹാനയുടെ മരണവുമായി ബന്ധപ്പെട്ട് ഡോക്ടർ ഇ.എ റുവൈസിനെ തിരുവനന്തപുരം മെഡിക്കൽ കോളേജ് പോലീസ് ബുധനാഴ്ച കസ്റ്റഡിയിൽ എടുത്തു.
ജോലിക്ക് കയറാതെ അനധികൃതമായി നടക്കുന്ന 56 ഡോക്ടർമാരെ പിരിച്ചുവിടാൻ ഒരുങ്ങുകയാണ് ആരോഗ്യവകുപ്പ്. ജോലിയിലേക്ക് തിരികെ പ്രവേശിക്കാൻ ആരോഗ്യവകുപ്പ് സമയം കൊടുത്തു എങ്കിലും തിരികെ പ്രവേശിക്കാതെ നടക്കുന്ന ഡോക്ടർമാർക്കെതിരെയാണ് നടപടി.
We have various options to advertise with us including Events, Advertorials, Banners, Mailers, etc.
